O sábado 11 de maio, recibimos en RadioParga a visita de Susana Pedreira, xornalista en Onda Cero, para falar sobre radio, xornalismo, feminismo...e todo o que xurda! A proposta, impulsada pola  @anpasantoestevoparga  , estivo aberta para toda a comunidade. (Accede ao podcast premendo sobre a imaxe)

O pasado 23 de abril, Día do libro, foi un día cheo de emocións e sorpresas. 📕Comezamos a mañá coa reinauguración da biblioteca do cole. Nas fotos pódense ver as caras de sorpresa do noso alumnado. 📗Continuamos cun obradoiro de chapas. Cada pequen@ (e os maiores tamén ☺️) deseñou e fixo unha chapa. 📘Rematamos a xornada con apadriñamentos lectores, no que o alumnado de 4º-5º-6º prepararon lecturas e actividades para os mais pequenos. Pasámolo en grande! 🤩 Non quero esquecer que fóra do horario lectivo reunímonos no CPI Virxe do Monte de Cospeito con outras coordinadoras e coordinador de bibliotecas escolares que integramos a Rede Terra Chá, é un pracer poder compartir inquedanzas compañeiras.  (Acceso ao vídeo da xornada premendo sobre a imaxe).

 O pasado venres 23 celebramos o Día de Rosalía de Castro, emblemática autora que levou a nosa lingua e a Galicia por bandeira.  Dende o cole de Parga non quixemos deixar pasar a ocasión sen render a nosa pequena homenaxe a Rosalía, para o que entre todo o alumnado do cole recitaron o seu poema "Cantarte hei, Galicia".  Aquí deixamos o resultado. Cantarte hei, Galicia!

  O pasado martes 20 de febreiro visitounos Ana Meilán, autora de divertidísimos libros como 8 patas , Quen ven a verme esta noite? , O aire do lobo Rigoberto ... A mañá estivo dividida en tres sesións. En primeiro lugar acudiron ao seu contacontos as alumnas e alumnas de EI, xunto cos nenos e nenas que nos visitan os martes no programa "Educando en Familia" do Concello e Guitiriz.  Tras un breve descanso coincidindo co recreo, foi o turno de 1º, 2º e 3º EP. E remataron a xornada os alumnos e alumnas de 4º, 5º e 6º cunha sesión de contacontos e un obradoiro de escritura creativa. Adxuntamos un vídeo para que vexades algunhas imaxes da xornada. Vídeo Ana Meilán

 A finais do mes de xaneiro deu comezo o noso Club de lectura, destinado a aquel alumnado ten un gran gusto pola lectura e, ded xeito voluntario,  quere pasar un anaco divertido na nosa biblioteca. Comezamos o 24 de xaneiro cunha reunión informativa con todas elas e todos eles. Nesta reunión tratamos os seus gustos e intereses... e decidimos dividirnos en 3 grupos, cada un dos cales leerá un libro diferente. Durante os seguintes días repartimos os libros correspondentes e unha semana máis tarde puxémonos a "traballar" dun xeito moi lúdico. Aquí deixamos fotos dalgunha das reunión do club.

A pasada semana  puxemos a andar o noso novo “ Espazo Creativo ” na Biblio escolar!  Trátase dun espazo no que o obxectivo é que todo o noso alumnado conte con materiais que lles permitan desenvolver a súa creatividade. Nel atoparán materiais para pulseiras, chaveiros, escritura, pintura... e poderán aportar ideas que serán valoradas para a inclusión de novos materiais. Aquí deixamos algunhas imaxes...