Actividades realizadas no primeiro trimestre do curso 2023/2024

Durante o primeiro trimestre do curso, realizáronse as seguintes actividades (algunhas de xestión e outras destinadas ao alumnado):

Expurgo, reorganización e centralización da nosa biblioteca escolar.

Cambio no programa de xestión da biblioteca escolar.

Creación de novos espazos de lectura.

Samaín: coincidindo co Samaín/Halloween dende a biblioteca escolar propuxemos diversas lecturas relacionadas, e posteriormente un obradoiro coas familias de elaboración de cabazas tradicionais.

25 N: dende a biblio propuxemos unha serie de lecturas relacionadas co 25-N (violencia de xénero, dereitos das mulleres…). Dende as aulas traballaron que é a violencia de xénero e cada alumna/o plasmouno nun folio, posteriormente “rompemos” esas ideas e transformámolas en novas a trravés dun obradoiro de reciclaxe de papel.

Amadriñamentos e apadriñamentos lectores por parte das familias: as familias do alumnado de EI acudiron ao centro para contarlles algún conto aos nosos alumnos/as.

Edición e publicación dunhas recomendacións lectoras de Nadal.

Comentarios

Entradas populares de este blog

EXPOSICIÓN DE IAGO EIREOS FRANCO

EXPOSICIÓN DE IAGO EIREOS FRANCO Participamos os nenos dos cursos de 3º-4º-5º e 6º e profesores acompañantes no visionado e talleres do artista lucense Iago Eireos Franco. Aquí mostramos algúns aspectos da súa obra.

VISITA DE ANA MEILÁN

O pasado martes 20 de febreiro visitounos Ana Meilán, autora de divertidísimos libros como 8 patas , Quen ven a verme esta noite? , O aire do lobo Rigoberto ... A mañá estivo dividida en tres sesións. En primeiro lugar acudiron ao seu contacontos as alumnas e alumnas de EI, xunto cos nenos e nenas que nos visitan os martes no programa "Educando en Familia" do Concello e Guitiriz. Tras un breve descanso coincidindo co recreo, foi o turno de 1º, 2º e 3º EP. E remataron a xornada os alumnos e alumnas de 4º, 5º e 6º cunha sesión de contacontos e un obradoiro de escritura creativa. Adxuntamos un vídeo para que vexades algunhas imaxes da xornada. Vídeo Ana Meilán

MISIÓN 17-M: LETRAS GALEGAS

O 16 de maio de 2024 no cole de Parga tivemos unha misión moi especial durante a que aprendemos moitos datos e curiosidades sobre Luisa Villalta , á que este ano se lle dedica o Día das Letras Galegas 2024. No vídeo poderedes ver o ben que o pasamos e tamén que traballando como equipo conseguimos abrir a caixa da recompensa. Neste vídeo tamén queremos felicitar aos nosos compañeiros/as do IES Poeta Díaz Castro, pois a música que empregamos é un gran traballo delas e deles 🤩! Noraboa! (Acceso ao vídeo da xornada premendo sobre a imaxe).

Buscar este blog